ᑕᒪᐃᓐᓂ−ᓄᓇᓕᖕᓂ ᐃᓚᐅᑎᑦᑎᓂᖏᑦ
ᓴᓂᑭᓗᐊᖅ ᐊᑯᓂᐊᓗᒃ ᐃᓕᑕᕆᔭᐅᓯᒪᔪᖅ ᓯᕗᓕᐅᖅᑎᐅᓂᖏᓐᓂ ᓄᑖᓂᒃ ᐊᑐᒐᒃᓴᓂᒃᓯᕙᓪᓕᐊᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᕙᑎᓕᕆᓂᕐᒧᑦ ᑲᒪᑦᑎᐊᔪᓴᒍᑎᒃᓴᖏᓐᓂᒃ ᐱᔾᔪᑎᖃᖅᑐᓂᒃ, ᐃᓕᑕᕆᔭᐅᓯᒪᓪᓗᑎᒡᓗ ᓄᓇᕐᔪᐊᕐᒥ ᓄᓇᓕᒡᔪᐊᑦ ᑕᐱᕇᖏᓐᓄᑦ ᑕᐃᒃᑯᐊ ᐃᓄᐃᑦ ᒥᑎᓕᒻᒥᐅᑦ. ᓘᑲᓯ ᐊᕋᒍᑕᐃᓐᓇᐅᑉ ᐃᖃᓇᐃᔮᕆᕙᓚᐅᖅᑕᖏᑦ ᐱᔾᔪᑎᖃᕐᔪᐊᓚᐅᕐᒪᑕ ᐃᓄᐃᑦ ᖃᐅᔨᒪᔭᑐᖃᖏᑦ ᐊᑐᖃᑦᑕᖁᔭᐅᓪᓗᑎᒃ ᐊᐅᓚᑦᑎᕙᓪᓕᐊᔪᓂᒃ, ᖃᐅᔨᓴᖅᑐᖃᕌᖓᓪᓗ, ᐃᓚᒋᓪᓗᓂᐅᒃ, ᐃᓅᔪᓐᓂᖅᓯᒪᓕᖅᑐᖅ ᐃᓐᓇᑐᖃᖅ ᐲᑕ ᑲᑦᑐᒃ, ᓴᓇᔭᐅᕙᓪᓕᐊᓂᖏᓐᓂ ᑲᒪᔨᓪᓚᕆᐅᖃᑕᐅᓚᐅᖅᑐᖅ − ᖃᕆᑕᐅᔭᒃᑯᑦ ᐃᓚᒃᓴᔭᐃᑦ ᓴᕿᑎᑕᐅᓂᖏᓐᓂ ᑕᐃᔭᐅᔪᑦ SIKU: ᑕᐃᒃᑯᐊᓗ ᑲᑎᒪᔨᖏᑦ ᑕᐃᔭᐅᔪᑦ ᐃᓄᐃᑦ ᐱᓕᕆᖃᑎᒌᒃᑐᑦ ᐊᕙᑎᓕᕆᓂᕐᒧᑦ ᑐᕋᖓᔪᓂᒃ ᐅᖃᐅᓯᓕᕆᓂᕐᒥᒃ. SIKU ᐊᑐᖅᑕᐅᕙᓕᖅᑐᖅ ᑕᐃᓘᓐᓇᐃᓂ ᐅᑭᐅᖅᑕᖅᑐᒥ ᑐᕌᖓᓗᑎᒃ ᐃᖕᒥᓂᒃ ᐃᓱᒪᓕᐅᖅᑎᐅᔪᓐᓇᕐᓂᖏᓐᓄᑦ ᐃᓄᐃᓪᓗ ᓯᕗᓕᐅᖅᑎᐅᔪᓐᓇᕐᓂᖏᓄᑦ, ᓄᓇᓕᖕᓄᑦ−ᐊᐅᓚᑕᐅᓗᑎᒃ ᑕᒪᒃᑯᐊ ᖃᐅᔨᓴᖅᑕᐅᕙᒃᑐᑦ, ᓇᐅᑦᑎᖅᑐᖅᑕᐅᕙᓪᓕᐊᔪᑦ ᐊᒻᒪᓗ ᑲᒪᑦᑎᐊᔪᓴᐃᓐᓇᒋᐊᖃᖅᑎᑕᐅᔪᑦ. ᕿᑭᖅᑕᐃᑦ ᐱᓕᕆᐊᖑᓂᖏᑦ ᑕᐃᑲᐅᕗᑦ ᐃᓚᒋᔭᐅᓗᑎᒃ ᒪᓕᒍᒥᓇᕐᓚᕆᒃᑐᓂᒃ ᐱᐅᓯᖃᕐᓂᖏᓐᓂᒃ ᐊᑐᓕᖅᑎᑦᑕᐅᕙᓪᓕᐊᔪᓂᒃ.
ᓴᓂᑭᓗᐊᕐᒥ, ᐅᖓᑕᓃ 200 ᓄᓇᓖᑦ ᐃᓚᐅᓚᐅᖅᑐᑦ ᑲᑎᖅᓱᐃᕙᓪᓕᐊᓂᖅ ᐊᕐᕌᒎᑉ ᐊᓯᔾᔨᖃᑦᑕᕐᓂᖓᓂᒃ ᒪᓕᒃᑐᓂᒃ ᓄᓇᖏᓐᓂ, ᓯᓚᒥᒡᓗ ᑕᒪᐃᓐᓂᒃ ᐱᑕᖃᕐᓂᖏᓂ ᐱᒻᒪᕆᐅᓂᖏᓐᓂ ᑕᕆᐅᕐᒥᐅᑕᓂᒃ ᐅᒪᔪᓂᒃ, ᓄᓇᒥᐅᑕᓂᒡᓗ ᐅᒪᔪᓂᒃ, ᓄᓇᒥ ᐊᖏᓂᓕᖕᒥᒃ ᖃᓂᒋᔮᓂ 500,000km ᑭᓛᒥᑕᓕᖕᓂᒃ, ᐊᐅᓪᓛᕐᕕᐅᖃᑦᑕᖅᓯᒪᔪᓂᒃ 7500−ᖏᖅᑕᖅᓯᒪᔪᓂᒃ ᐊᕙᑎᖏᓐᓂᒃ ᐊᒻᒪᓗ ᓴᕿᑎᑦᑎᕝᕕᐅᖃᑕᖅᓱᑎᒃ ᑐᓴᒐᒃᓴᓕᐊᓂᒃ 7500+ ᐅᖓᑖᓂ ᐊᒥᔅᓲᓂᓕᖕᓂᒃ ᐊᐅᓚᖅᓯᒪᔪᓂᒃ. ᑕᒪᒃᑯᐊ ᐱᒻᒪᕆᐅᔪᓂᒃ ᖃᐅᔨᒪᔾᔪᑎᒃᓴᐅᓂᕐᒧᑦ ᑐᖓᕕᐅᓂᐊᓕᖅᑐᑦ ᓄᓇᒥᐅᑕᓕᕆᓂᕐᒥᒃ ᖃᐅᔨᒪᔭᐅᓂᖏᓐᓄᑦ, ᐃᓚᒋᔭᐅᕙᒃᓱᑎᒃ ᑕᒪᕐᒥᒃ ᓄᓇᓖᑦ ᓴᕿᑎᑦᑎᕙᓪᓕᐊᓂᖏᓐᓂ ᐱᓕᕆᐊᖏᓐᓂᒃ ᕿᑭᖅᑕᐃᑦ, ᓄᑖᓂᒡᓗ ᒪᓕᒐᒃᓴᐅᓕᖅᑐᓂᒃ ᓴᕿᑎᑦᑎᓯᒪᖕᒪᑕ ᓄᓇᓕᖕᓄᑦ−ᐊᐅᓚᑕᐅᔪᓂᒃ ᑲᒪᑦᑎᐊᔪᓴᐃᓐᓇᑕᐅᔪᓐᓇᖅᑐᓂᒃ.
ᐊᒃᑐᖅᑕᐅᓯᒪᓂᖏᓐᓂᒃ ᐆᒃᑐᕋᐅᑏᑦ
ᓯᑯ ᐊᑐᖅᑕᐅᕙᒃᐳᑦ ᓴᓇᕐᕈᑕᐅᓂᕐᒧᑦ, ᐱᔨᑦᑎᕋᐅᑕᐅᓂᕐᒧᓪᓗ ᐱᒋᐊᖅᑎᑕᐅᓚᐅᖅᑐᓂᒃ ᐊᑕᐅᓯᕐᒧᑦ ᐊᖑᓇᓱᒃᑎᒧᑦ, ᐊᖏᒡᓕᒋᐊᕐᕕᐅᓯᒪᓗᑎᒃ ᑕᒪᐃᓐᓂᒃ ᐃᑲᔫᑕᐅᕙᓕᕐᓂᖅ ᓄᓇᓕᖕᓄᑦ−ᐊᐅᓚᑕᐅᔪᓂᒃ ᐱᓕᕆᐊᖑᔪᓂᒃ, ᓲᕐᓗ ᑕᒪᒃᑯᓂᖓ ᐱᓕᕆᐊᒃᓴᐃᑦ ᐊᐅᓚᑕᐅᓂᖏᓐᓄᑦ ᓴᓇᕐᕈᑕᐅᓂᕐᒧᑦ, ᐊᒃᑐᖅᑕᐅᓯᒪᓂᖏᓄᓪᓗ ᐊᕙᑎᑉ ᐆᒃᑐᕋᐅᑕᐅᕙᖕᓂᕐᒧᑦ. ᐱᓕᕆᐊᒃᓴᐃᑦ ᐊᐅᓚᑕᐅᓂᖏᓐᓄᑦ ᖃᐅᔨᒪᐃᓐᓇᕈᑕᐅᕙᓕᖅᑐᑦ ᑕᑯᒃᓴᐅᑎᑦᑎᕗᑦ ᓄᓇᓖᑦ ᐃᓄᐃᑦ ᐃᓚᐅᖃᑕᐃᓐᓇᕐᓂᖏᓐᓂᒃ ᕿᑭᖅᑕᐃᑦ ᐱᓕᕆᐊᖑᕙᓪᓕᐊᓂᖏᓐᓂ 2022-23-ᒥ.
ᐆᒪᔪᓕᕆᓂᕐᒥᒃ ᖃᓄᐃᓕᕙᓪᓕᐊᓂᖏᑦ: ᐃᖃᓗᓕᕆᓂᕐᒥᒃ
ᑕᒪᐃᓐᓂᒃ−ᓄᓇᓖᑦ ᐃᓚᐅᑎᑕᐅᖃᑕᕐᓂᖏᓐᓄᑦ ᐊᑐᕐᓂᖏᓐᓂ SIKU ᖃᕆᑕᐅᔭᓂᒃ, ᓴᕿᑎᑦᑎᓯᒪᓕᖅᑐᑦ ᖃᐅᔨᔪᒥᓇᖅᑐᒻᒪᕆᖕᓂᒃ ᐱᑕᖃᕐᓂᖏᓐᓂᒃ ᐊᒥᓲᓂᖏᓐᓂᓗ ᐃᖃᓗᐃᓪᓗ ᑕᐃᑯᐊᓗ ᐃᒪᕐᒥᐅᑦ ᕿᒥᕐᓗᖃᖏᑦᑐᑦ ᐃᒪᐃᑦ ᓇᑎᐊᓂᕐᒥᐅᑦ ᑕᒪᐃᓐᓂ ᑕᕆᐅᕐᒥ ᐊᒻᒪᓗ ᑕᕆᐅᖑᖏᑦᑐᓂ ᓇᔪᐃᕙᒃᑐᑦ. SIKU ᐊᑐᖅᑕᐅᕙᒃᑐᖅ ᐊᕐᕌᒍᒥ ᐃᖃᓗᒃᓯᐅᕐᕕᐅᕙᓐᓂᖏᓐᓂ ᐅᑭᐅᒃᑯᑦ ᑕᓯᒥ ᓄᓗᐊᕐᓄᑦ, ᐊᒻᒪᓗ ᐊᐅᓚᓴᖃᑕᕐᓂᖏᓐᓂᒃ ᑕᓯᒐᓴᐅᔪᓂ ᑕᕆᐅᒥᓗ. SIKU ᐃᑲᔫᑕᐅᕙᒃᑐᑦ ᑎᑎᕋᖅᑕᐅᕙᓪᓕᐊᓂᖏᓐᓄᑦ ᓇᓃᖃᑕᕐᓂᖏᑦ ᕿᒥᕐᓗᖃᖏᑦᑐᒐᓴᐃᑦ ᖁᑉᐱᕐᕉᔭᐃᑦ ᓱᕐᓗ ᑕᒪᒃᑯᐊ ᑲᐅᑦᑕᖓᔪᑦ, ᑭᖑᐃᓪᓗ ᑲᑭᓚᓴᐃᓪᓗ ᐊᒻᒪᓗ ᖁᓖᓕᒐᐃᑦ, ᐊᒻᒪᓗ ᐊᖏᓂᖅᓴᓂᒃ ᖃᐅᔨᒪᔾᔪᑎᒃᓴᕆᔭᐅᕙᒃᑐᓂᒃ, ᐃᓚᖃᖅᑐᓂᒃ ᖃᖓᐅᕙᖕᓂᖓᓂ ᑕᕆᐅᕐᒥ ᓄᓇᒥᓗ ᐆᒪᔪᖃᓕᖃᑦᑕᒪᖔᑦ, ᐊᒻᒪᓗ ᑕᕆᐅᕐᒥ ᓯᑐᖃᑕᕐᓂᖏᑦ ᐃᖃᓗᐃᑦ ᓴᓂᐊᓂ ᑕᓯᕐᒥᐅᑕᓂᒃ ᑕᕆᐅᖑᖏᑦᑐᒥ ᓄᓇᒥ. ᐊᔾᔨᓴᐃᓇᑲᓴᖏᓐᓂᒃᑕᐅᖅ ᓴᕿᐅᒪᕕᐅᒋᕗᑦ ᐊᓯᖏᓐᓂᒃ ᐃᒪᕐᒥᐅᑕᓂᒃ ᓲᕐᓗ ᑲᕕᓯᓖᑦ ᐊᒻᒪᓗ ᑲᔪᐃᑦ, ᐆᒐᐃᓪᓗ ᓇᖕᒥᓂᖅ ᐱᓇᓱᐊᖅᑕᐅᕙᖕᓂᖏᓐᓂ, ᐊᒻᒪᓗ ᐱᔭᐅᓇᓱᖏᑎᓪᓗᒋᑦ ᐱᖃᓯᐅᔾᔭᐅᕙᒃᑐᑦ. ᖃᐅᒪᔭᐅᓗᐊᖃᑦᑕᓚᐅᖏᒻᒪᑕ ᑎᑎᕋᕈᑕᐅᓯᒪᓐᖏᓂᖏᓐᓄᑦ ᑕᒪᒃᑯᐊ ᐊᒻᒨᒪᔪᐃᑦ, ᐅᕕᓗᐃᑦ, ᑲᑭᓕᓴᐃᑦ, ᖁᑉᐱᕐᕈᕐᔪᐊᑦ, ᑮᕋᐅᔭᐃᓪᓗ/ᑕᓪᓗᕈᕐᓇᐃᑦ, ᑭᓯᐊᓂ ᑕᐃᒪᖓᑦ ᐊᒥᓱᓂᖏᓐᓂᒃ ᐊᑐᖅᓱᑎᒃ ᑲᒪᒋᔭᐅᕙᓪᓕᐊᓕᕋᒥᒃ ᐊᑐᖅᑕᐅᓪᓗᑎᒃ SIKU ᖃᕆᑕᐅᔭᖏᑦ ᐃᑲᔪᕐᓂᖃᖅᐳᖅ ᖃᐅᔨᔭᐅᕙᓪᓕᐊᓂᖏᓐᓄᑦ ᐱᒻᒪᕆᐅᔪᓂᒃ ᐊᒥᒐᖅᐸᓚᐅᕐᓂᖏᑦ, ᒫᓐᓇᐅᓕᖅᑐᕐᓗ ᑐᕌᖓᔾᔪᑕᐅᓕᖅᑐᑦ ᓄᑖᓂᒃ, ᖃᓄᐃᑦᑐᓪᓚᕆᐅᔪᓂᒃ ᖃᐅᔨᓴᕆᐊᖃᕐᓂᖏᓐᓂᒃ. ᐃᑲᔫᑕᐅᒋᕗᑦ ᐱᓇᓱᐊᕈᑕᐅᔪᓐᓇᕐᓂᕐᒧᑦ ᓄᓇᓕᖕᓂ ᐃᖃᓕᕿᕙᖕᓂᕐᒥᒃ ᑮᓇᐅᔭᓕᐅᕈᑕᐅᔪᓐᓇᖅᑐᓂᒃ ᐱᒻᒪᕆᐅᔪᓂᒡᓗ ᐋᕿᐅᒪᓗᑎᒃ ᐊᑯᓂᐊᓄᐊᖅᑐᒧᑦ ᑲᒪᑦᑎᐊᔪᓴᖕᓂᕆᓂᐊᖅᑕᖏᓐᓄᑦ, ᐊᐅᓚᑦᑎᔨᐅᓂᐊᕐᓂᖏᓄᓪᓗ ᐃᓚᐅᑎᑦᑎᕙᒡᓗᑎᒃ ᓇᖕᒥᓂᕐ ᐊᖑᓇᓱᒃᑎᖏᓐᓂᒃ.
ᑐᑭᓯᓂᐊᕈᑕᐅᕙᖕᓂᖏᑦ ᐊᒻᒪᓗ ᐊᐅᓚᑕᐅᕙᒃᑐᑦ: ᒥᑎᑦ
ᕿᑭᖅᑕᐃᑦ ᓴᐳᓐᓂᐊᖏᓐᓇᕐᓂᐊᖅᑐᑦ ᑕᕆᐅᕐᒥᐅᑕᖏᓐᓂᒃ ᓄᓇᒥᐅᑕᖏᓐᓂᓗ ᒥᑎᓂᕐ ᑕᒪᐃᓐᓂ ᐊᕐᕋᒎᓕᒫᖅ. ᐊᑐᖅᑕᐅᓗᑎᒃ SIKU ᐊᐅᓚᑦᑎᔾᔪᑕᐅᕙᖕᓂᕐᒧᑦ, ᑐᑭᓯᓂᐊᕈᑕᐅᕙᖕᓂᖏᑦ ᐊᒻᒪᓗ ᓇᓃᓐᓂᖏᓐᓂᒃ ᖃᐅᔨᒪᔾᔪᑎᒃᓴᐃᑦ ᑲᑎᖅᓱᖅᑕᐅᕙᖕᒪᑕ ᐃᓄᖁᑎᖏᓐᓄᑦ, ᑐᕌᖓᔪᓂᒃ ᓄᓇᓕᖕᒥᓄᑦ. ᐊᖑᓇᓱᒃᑕᐅᕙᓪᓕᐊᔪᓂᒃ ᖃᐅᔨᔭᐅᕙᓪᓕᐊᔪᑦ ᐊᑐᕐᓂᕐᒧᑦ ᓯᑯᒥᒃ ᓴᕿᐅᒪᔪᑦ ᐊᒥᓲᓂᕐᕕᒋᕙᒃᑕᖏᓐᓂ ᓄᓇᓕᖕᓂ ᐊᖑᓇᓱᒃᑕᐅᕙᖕᓂᖏᑦ ᐅᑭᐊᒃᓵᒃᑯᑦ, ᐊᒻᒪ ᖃᖓ ᐱᓇᓱᖏᓂᖅᓴᐅᕙᖕᓂᖏᓐᓂᒃ ᐊᕐᕌᒎᑉ ᐃᓛᒍᑦ, ᐊᒻᒪᓗ ᐱᐅᑭᑕᕆᐊᕐᔪᐊᖃᑕᕐᓂᖏᑦ ᐊᒻᒪᓗ ᑭᕕᐅᖅᓯᐅᖃᑕᕐᓂᖏᓐᓂᒃ ᐅᐱᖔᒃᑯᑦ/ᐊᐅᔭᒃᑯᓪᓗ. ᐅᓪᓗᖃᕐᓂᖏᓐᓂᒃ ᑐᑭᓯᓂᐊᖅᑕᐅᓚᐅᖅᑐᑦ ᐊᑐᖅᑕᐅᓗᑎᒃ SIKU ᖃᕆᑕᐅᔭ ᓖᑦ ᑎᑎᕋᖅᑕᐅᓗᑎᒃ ᐊᒻᒪᓗ ᓄᓕᐊᕐᕕᒋᕙᒃ ᖏᓐᓂᒃ, ᐊᒻᒪᓗ ᖃᖓ ᒪᓐᓂᖃᓕᓲᖑᖕᒪᖔᑕ, ᐅᓪᓗᖃᑦᑎᐊᖃᑕᕐᓂᖏᓐᓂᒃ ᐃᓐᓄᒃᐸᒃᑐᓂᒃ ᐊᓯᖏᓐᓂᒡᓗ ᓇᓃᑉᐸᖕᓂᖏᓐᓂᒃ. ᑕᒪᒃᑯᐊ ᐃᓚᖃᕐᒥᒧᑦ ᐊᒥᓲᓕᖃᑕᕐᓂᖏᓐᓂ ᐅᕕᒃᑲᐃᑦ ᐱᕈᐊᓂᒃᐸᓪᓕᐊᓂᖏᓐᓂᒃ ᐅᑭᐊᒃᓵᒃᑯᑦ ᐱᓇᓱᐊᖅᑕᐅᕙᓕᕐᓂᖏᓐᓂᒃ ᑕᐃᒫᒃ ᐃᓐᓇᑐᖃᐃᑦ ᐊᑐᖅᐸᒃᑕᖏᓐᓂᒃ ᓇᓗᓇᐃᒃᑯᑕᐅᕙᖕᓂᖅ ᐱᕈᐊᓂᒃᓯᒪᑦᑎᐊᕐᓂᖏᓐᓂ, ᐊᒥᓱᓂ ᐱᔾᔪᑎᖃᓲᖑᖕᒪᑕ ᓇᓄᐃᑦ ᒪᓐᓂᒃᓯᐅᖃᑕᕐᓂᖏᓐᓂᒃ ᐅᐱᖔᒃᑯᑦ. ᑕᒪᒃᑯᐊ ᑐᑭᓯᔭᐅᓂᖏᑦ ᐱᓪᓚᕆᒃᑐᓂᒃ ᒪᓕᒃᑕᐅᓪᓗᑎᒃ ᐊᐅᓚᑎᔾᔪᑕᐅᕙᒃᑐᑦ ᒥᑎᕐᓂᒃ ᐊᒻᒪᓗ ᑲᒪᑦᑎᐊᔪᓴᐃᓐᓇᒍᒪᓂᕐᒧᑦ ᐱᑕᖃᐃᓐᓇᕈᓐᓇᕐᓂᖏᑦ ᒥᑎᑦ ᐊᒻᒪᓗ ᖁᓂᕈᖏᑦ ᐊᐅᓚᑕᐅᕙᓪᓕᐊᓂᖏᓐᓂᒃ ᐃᓚᒋᔭᐅᓂᖅ ᓴᐳᓐᓂᐊᖅᑕᐅᓯᒪᖃᑕᐅᔪᓄᑦ ᐊᕙᑎᖏᑦ.
ᐊᕐᕌᒍᒥ ᐊᑕᐅᓰᖏᑦᑐᒥᒃ ᖃᓄᐃᓕᐅᖃᑕᕐᓂᖏᑦ
ᐊᑐᖅᓱᑎᑦ ᑲᕆᑕᐅᔭᕋᓛᓂᒃ SIKU-ᒥᒃ ᐊᒥᓲᓂᖏᓐᓂᒃ ᖃᐅᔨᕙᖕᒥᔪᑦ ᐊᕐᕌᒍᒥ ᐊᑕᐅᓰᑐᐃᓐᓇᖃᑦᑕᓐᖏᖕᓂᒃ ᐱᕙᓕᐊᓕᖃᑦᑕᖅᑐᓂᒃ. ᓲᕐᓗ ᐆᒃᑑᑎᒋᓗᒍ, ᓄᓇᓕᑦ ᑐᓴᒐᒃᓴᓕᐅᖃᑦᑕᖅᑐᑦ ᐸᐅᖓᖃᓕᕐᓂᖓᓂᒃ ᐊᒻᒪᓗ ᑐᑭᓯᔭᐅᕙᓕᖅᓱᑎᒃ ᐊᔾᔨᒌᖃᑦᑕᖏᑦᑐᒥᒃ ᐱᑕᖃᓕᖃᑦᑕᕐᓂᖏᓐᓂᒃ ᓄᓇᒥᒃ ᐱᕈᖅᑐᓂᒃ ᐊᕐᕌᒍᒐᓴᐅᔪᓂ ᐊᑕᓪᓗᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᖃᐅᔨᒪᔭᐅᓕᖅᑐᓂᒃ, ᓴᕿᐅᒪᑎᑦᑎᓗᑎᒃ ᖃᓄᐃᓕᐅᖅᑎᐅᕙᖕᓂᖏᑦ ᐃᓄᐃᑦ ᐊᖑᓇᓱᒃᑎᖏᑦ ᐃᑲᔪᖅᑎᐅᓗᑎᒃ ᐊᑯᓂᐊᓂᐊᖅᑐᒧᑦ ᑲᒥᑦᑎᐊᔪᓴᒍᓐᓇᕐᓂᖏᓐᓂᒃ ᕿᑭᖅᑕᓂᒃ.
ᓂᕿᒃᓴᖃᑦᑎᐊᕈᓐᓇᕐᓂᖅ ᐊᒻᒪᓗ ᐃᓄᖃᑎᒌᑦ ᐅᑎᕐᕕᐅᔪᓐᓇᕐᓂᖏᑦ
ᖃᐅᔨᓴᕈᑎᒃᓴᐃᑦ ᑲᔪᓯᑦᑎᐊᕈᓐᓇᕐᓂᖏᑦ ᐱᒻᒪᕆᐅᓂᖅᐹᖑᕗᑦ ᐃᓚᒋᔭᐅᓂᖅ ᖃᓄᐃᓕᐅᕈᓐᓇᕐᓂᕐᒧᑦ − ᑕᒡᕙᓂᑲᐅᑎᒋ ᐱᕙᓪᓕᐊᔪᓂᒃ ᖃᐅᔨᒪᔾᔪᑎᒃᓴᐃᑦ ᑐᑭᓯᔭᐅᕙᖕᒪᑕ ᐊᑐᖅᑕᐅᓗᑎᒃ ᖃᐅᔨᓴᕈᑏᑦ ᑕᐃᔭᐅᔪᑦ SIKU ᐃᑲᔫᑕᐅᓪᓗᑎᒃ ᓄᓇᒥᐅᑕᑐᖃᕐᓂᒃ ᖃᐅᔨᔭᐅᕙᓪᓕᐊᓂᖏᓐᓂᒃ ᐊᒻᒪᓗ ᓇᖕᒥᓂᖅ ᖃᐅᔨᒪᔾᔪᑕᐅᔪᓐᓇᕐᓂᖅ ᐃᓅᖃᑎᒌᒃᑐᑦ ᐅᑎᕐᕕᐅᕙᓪᓕᐊᔪᓐᓇᕐᓂᖏᓐᓂᒃ ᑕᒪᒃᑯᓇᖓᑦ ᐱᕙᓪᓕᐊᑎᓯᒪᔭᖏᓐᓂᒃ ᓴᐳᓐᓂᐊᖅᑕᖏᓐᓂᒃ ᐊᔪᖅᓴᕈᓃᕈᑕᐅᔪᓐᓴᕐᓂᖏᓐᓂᒃ ᑕᐅᕙᓂ ᕿᑭᖅᑕᖏᓐᓂ. ᓄᕙᖕᓇᕐᔪᐊᖅᑕᓕᐊᓘᓚᐅᖅᑎᓪᓗᒍ, ᐊᑐᖃᑕᓚᐅᖅᑐᒍᑦ SIKU-ᐅᑉ ᖃᕆᑕᐅᔭᕋᓛᖏᓐᓂᒃ ᑎᑎᖃᖅᑕᐅᕙᓕᐊᓂᖏᓐᓄᑦ ᐃᑲᔫᑕᐅᕙᓪᓕᐊᔪᑦ ᐱᓕᕆᐊᖑᓂᖏᓐᓂ ᐊᑐᐃᓐᓇᐅᔪᓐᓇᕐᓂᖏᑦ ᓂᕿᒃᓴᑦᑎᐊᕙᐃᑦ ᓴᕿᑎᑦᑎᓚᐅᕐᒪᑕ ᑕᒫᓃᓐᓂᖏᓐᓂᒃ 5.1-ᒥ ᐅᑎᕐᕕᐅᑎᒋᕙᖕᓂᖏᓐᓂᒃ ᐱᓇᓱᒍᑎᒋᓯᒪᔭᖏᓐᓄᑦ ᐊᑭᓕᖅᑐᖅᓯᒪᔭᖏᓐᓂᒃ ᓂᕿᒃᓴᖃᑦᑎᐊᕈᓐᓇᖁᔨᕐᓂᕐᒧᑦ ᑐᕌᖓᔪᐃᓐᓇᕐᓂᖏᓐᓂᒃ ᐱᓕᕆᐊᖑᓂᖏᓐᓂᒃ ᑖᒃᑯᓂᖓ.
ᓄᓇᒥᐅᑐᑕᖃᕐᓂᒃ ᖃᐅᔨᒪᔭᐅᓂᖏᓐᓂᒃ ᓂᕿᒃᓴᓂᒃᑕᐅᕙᓪᓕᐊᖃᑕᕐᓂᖏᑦ
ᑲᑎᔅᓱᑎᒃ ᑕᒪᕐᒥᒃ ᖃᐅᔨᒪᔾᔪᑎᒃᓴᐃᑦ ᐊᕌᒍᓕᒫᒥ ᓄᓇ ᓯᓚᓗ ᐊᓯᔾᔨᖅᐸᓪᓕᐊᕙᖕᓂᖏᓐᓂ ᐊᒻᒪᓗ ᑕᒪᐃᓐᓂᒃ ᑕᕆᐅᕐᒥ, ᓄᓇᒥᓗ ᐆᒪᔪᖃᕐᕕᐅᕙᖕᓂᖏᓐᓂ ᑐᖓᕕᐅᕙᒃᑐᑦ ᐊᔾᔨᐅᖏᑦᑐᒥᒃ ᖃᓄᐃᓕᖓᓂᑎᑦᑎᓂᖏᓐᓂᒃ ᓴᓂᑭᓗᐊᕐᒥᐅᑦ ᑕᐅᑰᓇ ᐃᓄᐃᑦ ᒥᑎᓕᒻᒪᑎᐅᑉ ᐊᖅᑯᑎᒋᔭᐅᓗᑎᒃ ᓴᕿᑎᑦᑎᓯᒪᖕᒪᑕ ᑕᒪᐃᓐᓂᒃ−ᓄᓇᓕᑦ ᐃᓚᐅᑎᑕᐅᕙᓐᓂᖏᓐᓄᑦ ᐊᑐᖅᓱᑎᒃ SIKU-ᒥᒃ ᖃᕆᑕᐅᔭᕋᓚᓂᒃ ᓄᓇᓕᑐᖃᐃᑦ ᖃᐅᔨᒪᔭᖏᓐᓂᒃ ᐊᑐᐃᓐᓇᐅᑎᑦᑎᔪᓐᓇᖅᓯᕗᑦ ᐊᒥᓲᓂᖏᓐᓂᒃ ᖃᓄᐃᓕᖓᕙᖕᓂᖏᓐᓂᒃ ᓇᐅᑦᑎᖅᑐᖅᑕᐅᑦᑎᐊᕆᐊᖃᕐᓂᖏᓐᓂ ᐊᒻᒪᓗ ᐊᐅᓚᑕᐅᑦᑎᐊᕆᐊᖃᕐᓂᖏᓐᓂ, ᑕᐃᔅᓱᒪᓂᓗ ᑕᐃᓐᓇ ᐱᒋᐊᖅᑎᑦᑎᖄᓚᐅᖅᓯᒪᔪᖅ ᑕᐃᒪᐃᓕᖓᖁᔨᓪᓗᓂ, ᓘᑲᓯ ᐊᕋᒍᑕᐃᓐᓇᖅ ᐃᓕᑕᕆᔭᐅᓚᐅᖅᓯᒪᔪᖅ ᑐᓂᔭᐅᓪᓗᓂ ᐅᑭᐅᖅᑕᖅᑑᑉ ᖃᐅᒪᔭᐅᓂᖓᓂᒃ ᑲᓇᑕᒥ ᑕᒫᓂ 2022-ᒥ. ᑕᐅᑐᒍᓐᓇᖅᑕᑎᑦ ᑲᑎᒪᓂᖏᓐᓂ ᐅᖃᐅᓯᐅᔪᑦ ᐊᑖᓂ ᐊᒻᒪᓗ ᐃᓕᕋᓱᒃᑕᐃᓕᓗᑎᑦ ᐅᕙᑦᑎᓐᓄᑦ ᐅᖃᕈᓐᓇᕐᓂᖅ ᖃᐅᔨᒋᐊᑎᐊᒃᑲᓐᓂᕈᒪᑐᐊᕈᕕᑦ ᐊᑐᖅᑕᐅᕙᖕᓂᖏᓐᓂᒃ SIKU ᖃᕆᑕᐅᔭᖏᑦ ᐃᑲᔪᕐᓂᖃᕐᔪᐊᕐᒪᑕ ᓄᓇᓕᑐᖃᕐᓄᑦ−ᐊᐅᓚᑕᐅᔪᓂᒃ ᑲᒪᑦᑎᐊᔪᓴᒍᑕᐅᔪᓐᓇᕐᓂᕐᒥᒃ ᐊᕙᑎᔅᓯᓐᓂᒃ ᓄᓇᔅᓯᓐᓂᒃ.