ᐃᓄᐃᑦ ᒥᑎᓕᒻᒥᐅᑦ ᑎᒥᖁᑎᖓᑦ
ᐃᓄᐃᑦ ᒥᑎᓕᒻᒥᐅᑦ ᑎᒥᖁᑎᖓᑦ ᐊᑎᓕᐅᖅᑕᐅᓯᒪᓄᑦ ᑲᓇᑕᒥ ᑮᓇᐅᔭᓕᐅᖅᑎᐅᒐᑎᒃ ᐃᑲᔪᖅᑎᐅᓂᖅ ᑕᐃᑲᓂ ᓴᓂᑭᓗᐊᖅ, ᓄᓇᕗᒻᒥ, ᐱᓕᕆᖃᑎᖃᖅᓱᑎᒃ ᓇᓂᑐᐃᓐᓇᖅ ᕼᐊᑦᓴᐲᖕᒥ ᓄᓇᓕᖕᓂ ᐊᒻᒪᓗ ᐃᓄᐃᑦ ᓄᓇᖏᓐᓂ.
ᓴᓂᑭᓗᐊᕐᒥ ᐊᖑᓇᓱᒃᑏᑦ ᒥᑭᒋᐊᕐᓂᐊᖅᑏᓪᓗ ᑲᑐᔾᔨᖃᑎᒌᖏᑦ
ᓴᓂᑭᓗᐊᕐᒥ ᐊᖑᓇᓱᒃᑏᑦ ᑲᑐᔾᔨᖃᑎᒌᖏᑦ ᐱᓕᕆᖃᑎᖃᐃᓐᓇᓲᑦ ᐃᓚᒋᕙᒃᑕᖏᓐᓂᒃ ᐅᑭᐅᖅᑕᖅᑐᒥ ᒥᑎᓕᒻᒥᐅᑦ ᑎᒥᖁᑎᖏᓐᓂᒃ ᐊᒻᒪᓗ ᕼᐊᒻᒪᓚᒃᑯᓐᓂᒃ ᓴᓂᑭᓗᐊᕐᒥ ᑕᒪᒃᑯᓂᖓ ᓄᓇᓕᖕᓄᑦ−ᐊᐅᓚᑕᐅᔪᓂᒃ ᖃᐅᔨᓴᖅᑕᐅᕙᓪᓕᐊᔪᓂᒃ ᐊᒻᒪᓗ ᓇᐅᑦᑎᖅᑐᐃᕙᓪᓕᐊᔪᓂᒃ, ᐃᓚᖃᕐᒥᔪᓂᒃ ᕿᑭᖅᑕᐃᑦ ᓴᐳᓐᓂᐊᖅᑕᐅᕙᓪᓕᐊᓂᖏᓐᓄᑦ ᐸᕐᓇᐅᑕᐅᕙᓪᓕᐊᓂᖏᓐᓂᒃ.
ᐃᓄᐃᑦ ᒥᑎᓕᒻᒥᐅᑦ
ᑕᑯᒥᓇᕐᔪᐊᖅᑐᓂᒃ ᐊᔾᔨᓕᐅᖅᑕᐅᕙᓪᓕᐊᓚᐅᖅᑐᑦ 7−ᓂᒃ ᐅᑭᐅᖑᓚᐅᖅᑐᓂᒃ ᐅᑭᐅᖅᑕᖅᑐᒥ, ᐃᓄᐃᑦ ᒥᑎᓕᒻᒥᐅᑦ ᐃᓚᐅᑎᑦᑎᕗᑦ ᖃᖓᓴᕐᓂᒃ ᐃᓄᐃᑦ ᓄᓇᖏᓐᓂ ᕿᑭᖅᑕᓂᒃ, ᑲᓇᑕᐅᑉ ᕼᐊᑦᓴᓐᐲᖓᓃᑐᒥᒃ. ᐊᑕᓪᓗᑎᒃ ᑕᐃᔅᓱᓂᓂᑕᕐᓄᑦ, ᐅᓪᓗᒥᐅᓕᖅᑐᒧᓐ, ᓯᕗᓂᒃᓴᒧᓪᓗ ᐊᔾᔨᐅᖏᑦᑐᓂᒃ ᐊᑐᖃᑦᑕᐃᓐᓇᕐᓂᖏᓐᓂᒃ ᒥᑎᕐᓂᒃ ᖃᐅᔨᑎᑦᑎᒋᐊᕈᑕᐅᕗᑦ. ᒥᑎᑦ ᖁᓂᕈᖏᑦ, ᐅᖅᑯᕐᓂᖅᐹᑦᑎᐊᖑᒻᒪᑕ ᑎᖕᒥᐊᓕᒫᑦ ᖁᓂᕈᖏᓐᓂᒃ, ᐱᔪᓐᓇᐅᑕᐅᕙᒃᑐᑦ ᐃᓄᖕᓄᑦ ᐃᓅᖏᓐᓇᕈᓐᓇᕐᓂᖅ, ᑎᖕᒥᐊᓄᓪᓗ ᐆᒪᐃᓐᓇᕈᓐᓇᕐᓂᖅ ᐃᒃᑮᕐᓇᖅᑐᐊᓗᖕᒥᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ.